Милиций пашаеҥ-влаклан ӱшанат мо?

Милиций-полиций пашаеҥ-влаклан кушто утларак ӱшанат – Марий Элыште але Коми республикыште? Тыгай шымлымашым Сыктывкар олаште правам аралыше «Мемориал» комиссий да Йошкар-Олаште «Человек и Закон» регионысо мер ушем эртареныт. Коми республикыште 1000 еҥым йодыштмо, мемнан дене 965. «Человек и Закон» мер ушем пресс-службын увертарымыж почеш, кок вережат правам аралыше орган-влаклан пешыжак огыт ӱшане. Марий Элым ончалына. Килемар районышто йодыштмо еҥ-влак кокла гыч улыжат 14 процентше ӱшаныме нерген ойлен, Шернур районышто – 58,6 %, Звенигово районышто – 58,3 %. Марий Элыште йодыштмо еҥ деч 60 процентше шке участковыйыштым ужынат, тудын дене кутыренат огытыл, пелыже утла участковыйым кушто кычал муаш огыт пале, тыгодым 65 % калык участковыйлан полшаш ямде.

Валерий Очеев

Добавить комментарий