Габдулла Тукайын шочмыжлан 125 ий

Марий Элыште татар писатель Габдулла Тукайын шочмыжлан 125 ий теммым палемдаш ямдылалтыт. 23 апрельыште, шуматкечын, Йошкар-Олаште Мер-политик рӱдерыште Тукайын произведенийже-влак негызеш ямдылыме инсценировко-влак конкурс лиеш.

Шке мастарлыкыштым Йошкар-Ола, Медведево, Параньга, Марий Турек, Морко районысо школлаште тунемше-влак ончыктат. Сеҥыше-влакым диплом да шарнымашан пӧлек дене палемдат. Тиде кечынак «Мый татарла ойлем» конкурс-акцийым мучашлат, Марий Элысе да Татарстанысе поэт ден писатель-влак дене вашлиймаш эрта.

Валерий Очеев

Добавить комментарий