Ола мучко неле транспорт дене кошташ чарыме

Ночко игечыште корным аралыме шонымаш дене 9 май марте ола мучко неле транспорт дене кошташ чарыме. Республика мучкат корно йодыш тургыжландара. Теве пытартыш кум ий жапыште Марий Элысе корнылаште лаке кум пачаш ешаралтын – 1700 гыч 5000 квадратный метр марте.

Тиде кумдыкым асфальт дене тумыштылаш шуко окса кӱлеш, вет ик квадратный метр кумдык лакым олмыкташ 900 гыч 1100 теҥге кӱлеш. Куд миллион теҥгелан улыжат ик километр корным олмыкташ лиеш, а у корным ышташ оласе казналан ик километрже гына 20 миллион теҥгеш шуэш. Туге гынат олмыктыде але ешарен ыштыде ок лий, уке гын улшыжымат йомдарен кертына.

Валерий Очеев

Добавить комментарий