Грек-рим кучедалмаш дене Марий Эл гыч чемпион-влак

Грек-рим кучедалмаш дене 1996-1997 ийлаште шочшо рвезе-влак коклаште тӱнямбал турнир Москваште эртен. Тушто Россий, Узбекистан, Армений, Азербайджан да Грузий гыч 250 наре спортсмен лийын. Волжск ола гыч Хайдар Исмаилов 46 кг нелытан-влак коклаште чемпион лийын, тудо вич кучедалмаште сеҥен. 35 кг нелытан-влак коклаште Максим Кузин ший медальым налын, 54 да 50 кг категорийыште Глеб Батянин ден Дмитрий Антюшин кумшо верыш лектыныт.

36-шо Всероссийский мастерский турнирыште йоча спортшколын воспитанникше Таджаддин Мамедов 60 кг нелытан-влак коклаште чемпион лийын. Кызыт мемнан спортсмена-влак эше ик турнирлан ямдылалтыт. Тиде шуматкечын «Юбилейный» спорткомплексыште республика кӱкыштан таҥасымаш лиеш.

Валерий Очеев

Добавить комментарий