Шӱк-куштырам ида йӱлалте

Пӱртӱс аралыме ведомствын пашаеҥже-влак илыме верым эрыктыме годым шӱк-куштырам ида йӱлалте манын йодыт. Тыгак кукшо шудыш тулым чыкаш огеш лий. Специалист-влак умылтарат: кукшо шудым але тошто олымым йӱлалтыме годым 5 см марте келгытыште илыше чыла чонан кола. Сандене мландын вий-куатше пыта. Тылеч посна тулым от эскере гын, тудо оралтышке куснен кертеш. Эше ик шижтарымаш: тений пожар лӱдыкшым иземдаш манын, куштырам йӱлалтымылан кугу штрафым, 200 тӱжем теҥге марте, пуэн кертыт.

Валерий Очеев

Добавить комментарий