Следствий пӧлка гыч увертарат

Звениговысо межрайонный следствий пӧлкан следовательже-влак Морко районышто участковыйлан пашам ыштыше пӧръеҥ шотышто уголовный пашам суд марте шуктеныт. Тудым Уголовный кодексын 286 статьяже, 3 ужашын «а» пунктшо почеш вийым кучылтын, шке должностной полномочийжым кугемдымылан титаклат. Январь тылзыштак тудо административный штрафым тӱлен шуктыдымо пӧръеҥын мӧҥгыжӧ миен улмаш, милиций отделыш каяш тореш лиймыжлан кырен да уремышке вургем да йолчием деч посна луктын.

Валерий Очеев

Добавить комментарий