Шошо агалан ямдылалтме паша ушнен толеш

У Торъял районышто шошо агалан ямдылалтме паша ушнен толеш. Кызыт марте тӱшка озанлыклаште 196 трактор гыч 140 олмыктен шуктымо. Но ыштышаш сомыл эше уло. 12 культиваторым, 5 дискатор ден дискан тырмам, тынарак плугым, 14 ӱдымӧ агрегатым тӧрлыман. Шошо агалан 174 тонн дизтопливо кӱлеш, 24 тонным гына шапашлыме.

Сайын ямдылалтыт «Первый май», Авангард» да «Юбилейный» озанлыклаште. «Юбилейныйыште» тений 300 гектарыште икияш пырчым вераҥдаш шонат, 50 наре гектарым пареҥгылан кодат, тылеч посна кешыр ден ушменым ӱдат. Ӱмаште 200 гектарыште мландым кылмаш куралыныт, сандене тений шошым паша мыняр-гынат шагалемеш. Но тыште икте тургыжландара – ӱдышаш пырче уке.

Валерий Очеев

Добавить комментарий