Шӧр лӱштыш 5 % иземын

Маристат тений икымше кварталыште ял озанлык продукцийым мыняр ыштен налмым иктешлен. Ӱмашсе тыгаяк жап дене таҥастарымаште шӧр лӱштыш 5 % иземын, чыве муным 6,7% шагалрак погымо. Ик ушкаллан шотлымаште 1081 кг шӧрым шупшылмо, тидыже ӱмашсе деч шагалрак. Кум тылзе жапыште чыве да вольык шылым утларак ужалыме. Тӱшка озанлыклаште тӱкан шолдыра вольык 5% шагалемын, сӧсна-влак 14% ешаралтыныт, шорык ден каза-влак – 27,8%. Март мучашлан тӱшка озанлыклаште 48400 тонн курго лийын. Ик вуй вольыклан шотлымаште 4,2 центнер кормалык единице логалеш, тидыже ӱмашсе деч 48,8% шагларак.

Валерий Очеев

Добавить комментарий