«Полицийын пашажын философийже»

Угарман олаште регион-влак кокласе кок кечаш семинар лийын. Тушко Юл кундем федеральный округышто МВД-н профессиональный ямдылалтмаш рӱдерже-влакын специалистышт погыненыт. Нуно тыгай йодышым каҥашеныт: «Полицийын пашажын философийже. Обществыште да элыште полицийын рольжо нерген туныктымо рӱдерлаште занятийым эртарымаш».

Тиде семинарым Марий Элысе «Человек и Закон» мер ушем поген, тудлан полшеныт Угарман оласе «Комитет против пыток» да Москвасе «Общественный вердикт» фонд. Айдемын праважым аралыше-влак икымше гана Элкӧргӧ паша министерствын куд регионысо представительыштым чумыреныт. Семинарыш толыныт Пермский край да Киров ден Самара область гыч, Татарстан, Башкортостан да Удмурт республикыла гыч.

Валерий Очеев

Добавить комментарий