Волжский районышто 897 вуй лӱштымӧ ушкал уло

Тиде арнялан Волжский районышто тӱшка озанлыклаште 897 вуй лӱштымӧ ушкал уло. Эн шуко «Москва» артельын Пезмучаш комплексыштыже ончат – 300 вуйым. «Эмеково» озанлыкын Кукшенер комплексыште – 270 ушкалым. «Упшер» акционер ушемыштат вольык кӱтӱм иземден огытыл, кызыт тыште 150 ушкал уло, но нунын кокла лӱштышышт улыжат 5 кг 200 грамм. Неле сӱрет Пӧртанур комплексыште, тыште лач 10 ушкал кодын, ӱмашсек ломыжмо йӱк огеш шокто Пызьыргуп да Курмызак комплекслаште.

Валерий Очеев

Добавить комментарий