Медведево районышто йоча-влаклан оксам ыштен налаш полшат

Медведево районышто Калыклан пашаверым ситарыме рӱдер ден Автодорожный техникум тыште тунемше ӱдыр-рвезе-влаклан яра жапышт годым оксам ыштен налаш полшат. Икымше курсышто тунемше 34 еҥым посна отрядыш ушымо. Нуно техникумышто мастер-влакын вуйлатымышт почеш тӱрлӧ пашам ыштат, а оксам Калыклан пашаверым ситарыме рӱдер ден техникум тӱлат. Йоча-влак кум шагатат пеле дене вич кече пашам ыштат. Ик тылзылан 2500 теҥгем налыт.

Валерий Очеев

Добавить комментарий