Йочасад воспитатель-влак конкурсышто вийыштым тергеныт

Килемар районышто йочасад воспитатель-влак профессиональный мастарлык конкурсышто вийыштым тергеныт. Икымше турышто 6 еҥ шке мастарлыкшым ончыктен, а финалыш нылытын лектыныт. Кок ужаш гыч шогышо конкурсышто кажне воспитатель йоча дене пашам ыштен моштымыжым ончыктащ тыршен.

Но кажне танасымашыште ик сеҥыше садак лийшаш. А тыште жюри иканаште кок еҥлан икымше верым пуыш. «Идалыкын воспитательже» лӱмым Килемар посёлкышто «Кече» йочасадыште логопедлан пашам ыштыше Наталья Лашманова ден Визымйӓрысе 1 № йочасадын музыкальный руководительже Лилия Майкова налыныт. Кокымшо верыште – посёлкысо «Теремок» йочасадын пашаенже Наталья Овчинникова, Визымйӓрысе 2 № садик гыч Ольга Семёнова кумшо верым налын.

Валерий Очеев

Добавить комментарий