Параньга районышто армийыш кайыше-влак шукемыт

Параньга районышто армийыш кайыше рвезе-влак шукемыт. Тений 48 рвезылан повесткым кучыктымо, ӱмаште шошым 40 еҥым колтымо. Икымше партий – шуматкечын. Ныл рвезе ик ийым Рӱдӧ военный округышто служитлаш тӱҥалеш. Но Параньга районыштат армий деч шылын кодаш тыршат.

Ӱмаште призывной кампаний тӱҥалме годым 13 еҥ военный вургемым чияш тореш лийын. Кандаш рвезылан 500 теҥге гыч штрафым пуымо, визытым – шижтарыме. Варажым чылаштымат армийыш колтымо. Уголовный паша марте шуктымо огыл. Служитлаш але служитлаш огыл – чот шоналтыман. Вет у закон почеш, шылын коштшо рвезе-влаклан 200 тӱжем теҥге марте штрафым пуэн кертыт але 2 ий марте петырен шындат.

Валерий Очеев

Добавить комментарий