Удмуртийыште марий тӱвыра фестиваль лийын

Удмурт республикысе Карагӧл районыш пурышо Ныргында ялыште марий тӱвыра фестиваль лийын. Тудо марий писатель Илья Токмурзин-Ломберскийын шочмыжлан 115 ий теммылан да писательын эргыже Роберт Токмурзинын 85 ияш лӱмгечыжлан пӧлеклалтын.

Фестивальыш Удмуртийын 6 районжо, Ижевск да Сарапул ола гыч фольклор коллектив-влак толыныт ыле. Нуно «Ныргындыш сем» фольклор ансамбльым вуйлатыше, краевед Роберт Токмурзинлан саламлымашым ямдыленыт. Тылеч посна фестивальын участникше-влак Ныргында ялысе Марий тӱвыра рӱдерыш миеныт. Фестиваль деч вара «Одо Мари Ушемын» да Удмурт республикысе самырык-влакын «Ӱжара» ушемын еҥже-влак вашлиймашым эртареныт. Республикын тӱрлӧ кундемыштыже илыше марий-влак шке тӱвыраштым, илыш-йӱлаштым арален кодымо нерген ойленыт.

Валерий Очеев

Добавить комментарий