16 апрельыште шошо сонар тӱҥалеш

Марий Эл Правительствын пунчалже дене республик мучко шошо сонар 16 апрельыште тӱҥалеш да 1 майыште пыта. Кок арня шуйнышо жапым кузе эртарыме нерген лӱмын семинарым погымо.

Тушто палемдыме: тений республикыште сузым лӱяш йӧршын чарыме, кӱдырым да курмызакым (рушлаже – вальдшнеп) сонарлаш огеш лий Звенигово, Килемар, Медведево да Юрино районлаште, тылеч посна Курыкмарий районышто кӱдырым сонарлаш чарыме. Кеҥежым 1 июнь гыч 26 август марте ирсӧснам сонарлан ок лий. Сонар билетым районлаште кугыжаныш инспектор-влак пуат, а Йошкар-Олаште Янлык тӱня департаментыште налаш лиеш.

Валерий Очеев

Добавить комментарий