Марий шанчызыже-влак «Архимед-2011» салонышто лийыныт

Кодшо кечылаште Марий кугыжаныш университетын шанчызыже-влак республикын делегацийже дене Москваште эртыше «Архимед-2011» XIV Тӱнямбал изобретений да инноваций технологий салонышто лийыныт.

Тушто сай лектышыш шуыныт. Технологий да профессионал шичымаш факультетын доцентше Олег Веденскийын «Вӱд тулымо пучым кол да шӱкшак логалме деч аралыше устройство» проектше шӧртньӧ медаль да почётан диплом дене палемдалтын. Шанчызе-влак тыгак ныл ший медальым налыныт. Республикыште изобретатель сомылым вияҥден толмылан Марий Элын делегацийжылан дипломым да кубокым кучыктеныт.

Валерий Очеев

Добавить комментарий