Мордовийыште Тӱнямбал йоча фестиваль лиеш

Мордовийын рӱдолаштыже, Саранскыште 20 гыч 23 апрель марте «Вӱдйымал тӱня» Тӱнямбал йоча фестиваль лиеш. Тудо кудымшо гана эрта. Ондакысе семынак фестивальын жюрижым Франций гыч Даниэль Мерсье вуйлаташ тӱҥалеш.

Фестивальын почётан унаже семын художник да писатель, Кустон командыштыже видеооператор да инженерлан пашам ыштыше Андре Лабан лиеш. Тиде фестивальыште Россий деч посна 9 эл гыч 5000 утла йоча-вӱдйымал тӱням дене кылдалтше сӱретшым ончыкташ тӱҥалеш.

Валерий Очеев

Добавить комментарий