Оренбург областьыште каникул тӱҥалын

Оренбург областьыште тунемше-влаклан черетдыме каникул тӱҥалын. Титаканже – шошо вӱд. Кугу вӱдшорлан кӧра Первомайский, Красногвардейский да Тоцкий районласе школлаште йоча-влакым канаш колтеныт. Южо школышто вӱд икымше пачашышкат пурен. Таче кечылан 600 наре пӧрт вӱд дене авыралтын, тушто илыше 1100 еҥым вес вере кусарыме.

Валерий Очеев

Добавить комментарий