Адак Фукусима префектурышто чытырналтмаш лийын

Японий гыч тыге увертарат: кызыт тыште мланде чытырналтмаш эшеат огеш шагалем. Кодшо кечылаште адак Фукусима префектурышто 6 баллан чытырналтмаш лийын.

Атомный энергетика шотышто тӱнямбал ассоциацийыш пурышо шанчызе-влак тыге ойлат: Японийыште да Чернобыльышто лийше туткар-влакым икте-весышт дене таҥастараш огеш кӱл. Тений радиоактивный вещества-влак южышко шагалрак логалыныт, молан манаш гын, энергоблок-влакым ондакрак шогалтен кертме.

Валерий Очеев

Добавить комментарий