Шуко еҥын парымышт уло

Таче кечылан республик мучко 13 тӱжем утла еҥын коммунальный услугылан 86 млн. 300 тӱжем теҥге парымышт уло. Парыман-влак утларакше Йошкар-Олаште, Волжский да Курыкмарий районлаште илат.

Кызыт оксам пӧртылтымашке судебный пристав-влак шуненыт. Ӱмаште I кварталыште нуно 12600 исполнительный лист почеш 84 млн. 700 тӱжем теҥге парымым тӱлыкташ тыршеныт. А тений кум тылзе жапыште 15700 еҥ деч 105 млн. 600 тӱжем тенгем кычалыныт. Тыгодым закон почеш тӱрлӧ йӧным кучылтыт. Теве 2656 еҥын парымжым пашадар деч кучен кодат.

Валерий Очеев

Добавить комментарий