8 гыч 22 апрель марте экологий акций эрта

Кодшо кугарнян, 8 апрельыште Йошкар-Оласе Ленин площадьыште республикысе экологический акцийым торжественно почмаш эртен. Экологий, пӱртӱс дене пайдаланыме да калыкым аралыме департамент тыгай акцийым кокымшо ий почела эртара. Тений 8 гыч 22 апрель марте кажне организаций, предприятий, посна еҥ-влак ончылгоч палемдыме кумдыклаште лумым эрыктат. Вара ик арня жапыште лум йымач лекше шӱкшакым, куштырам погат да кундемым тӱзаташ тӱҥалыт. Ӱмаште тиде акцийыш 74 тӱжем еҥ ушнен ыле.

Валерий Очеев

Добавить комментарий