Ветеран организаций советын Президиумжо погынен

Республикысе ветеран организаций советын Президиумжо шке погынымашыштыже икмыняр йодышым ончен лектын. Ветеран-влак шошо призыв годым армийыш кайыше рвезе-влак дене вашлияш шонат, тыгак Сеҥымаш кече вашеш самырык тукымым патриот шӱлышеш куштымо программыш ушнат.

Республикысе ветеран организаций советын председательже Виталий Глушковын ойлымыж почеш, кызыт оласе да районласе организаций-влак калыкым социально аралыме орган пашаеҥ-влак дене пырля сарын ветеранже да инвалидше, тулык вате да тылыште пашам ыштыше-влакын илыме условийыштым тергат, могай полыш кӱлмым рашемдат. Икте ойгаҥдара: фронтовик-влак радам кажне ийын иземеш, теве ӱмаште Йошкар-Олаште гына сарын 138 участникше колен. Сандене кодшыжлан жапыштыже полышым пуэн шуктыман. Шушаш ийыште республикысе ветеран организацийым ыштымылан 25 ий темеш. Тидын шотыштат ятыр темлымашым ыштыме.

Валерий Очеев

Добавить комментарий