Закондымын чодырам руымаш нерген ойленыт

Марий Элын Президентше Леонид Маркелов Элкӧргӧ паша министр Артём Хохорин дене паша вашлиймашым эртарен. Тиде гана правопорядкым эскерыме да республикыште преступность дене кучедалме темым тарватыме. Тыгак закондымын чодырам руымаш нергенат ойлымо.

Артём Хохоринын мутшо почеш, чодырам шолыштмаш шотышто кажне кокымшо преступленийжым почмо. Ӱмаште 86 еҥым мут кучаш шогалтыме, 4 млн. 500 тӱжем теҥге утла штрафым пуымо. 2010 ий тӱҥалтыште 5 районышто чрезвычайный ситуаций режимым пуртымат шкенжым сулен. Тиде режимым пудыртымылан 430 еҥлан 242700 теҥге штрафым пуымо.

Валерий Очеев

Добавить комментарий