Юркино посёлкышто тамле киндым пыштат

Юрино район, Юркино посёлкышто шукертсек тамле киндым пыштеныт. Шке жапыштыже Козиково чодыра комбинатын да Козьмодемьянск сплав конторын икмыняр пекарньыже Вӱтла кундемыште чыла ял ден селаште илыше калыклан киндым ситареныт. Вара нуно петырналтыч, да киндым ӧрдыж гыч шупшыктеныт. Но предприниматель-влак Ежовмыт пекарньылан кокымшо илышым пуышт. Кызыт тыште 4 ӱдырамаш тырша. Пыштыме киндыштым Юркиныште гына огыл, Козиково посёлкышто да Марьино селаштат уло кумылын налыт. Молан манаш гын, тыште ожнысо семынак киндым коҥгаште кӱэштыт, сандене тудын тамжым нимо денат от вашталте.

Валерий Очеев

Добавить комментарий