«Первый май» ял озанлык артель эре ончылно

У Торъял районышто «Первый май» ял озанлык артель ончыл озанлыклан шотлалтеш. Тыште вуйлатыше Аркадий Новиковын надырже пеш кугу. Мланде паша деч посна тыште вольыкым ончымыланат кугу тӱткышым ойырат. Теве Кугу Шӱвылак фермыште пырче гыч вишкыде патокым ыштыме аппаратым налыныт. 1 тонн патокым ышташ 350 кг уржа да 650 литр вӱд кӱлеш, молыжым оборудований чыла шкежак шукта. Ушкалым пукышмо рационным вашталтыме дене шӧр лӱштышат ешаралтын, ӱшкыжаш презе-влакат нелытым писнырак погат. Кызыт фермыште 297 ушкал шога, ӱмаште кокла лӱштыш 5 тӱжем килограммым эртен. Тений Кугу Шӱвылак доярке-влак утларак лӱшташ шонат.

Валерий Очеев

Добавить комментарий