Мемнан элыште у национальность-влак лектын кертыт

Российыште статистка шотышто кугыжаныш федеральный службын вуйлатышыже Александр Суриновын мутшо почеш, мемнан элыште ончыкыжым у национальность-влак лектын кертыт. Кодшо гана калык шотлымашым эртарыме годым ятыр тӱжем еҥ шкеныштым «сибиряк» але «эльф» манын ончыктен. «2002 ийыште булгар-влак лийыныт, ойлен Росстат вуйлатыше, ынде сибиряк-влак шотышто мутланымаш тарванен. Тугеже нуным посна калык семын ончыкташ кӱлеш.

Российыште мыняр еҥ илымым ончалаш гын, 8 ий жапыште элыштына калык 2 млн 200 тӱжем еҥлан шагалемын.

Валерий Очеев

Добавить комментарий