Самодеятельный драмколлектив-влак шке мастарлыкыштым ончыктеныт

Республикысе самодеятельный драмколлектив-влак шке мастарлыкыштым Йошкар-Олаште ончыктеныт. Фестиваль годым 8 район да 4 ола гыч коллектив-влак 13 спектакльым ончыктеныт. Спектакль-влак Палантай лӱмеш тӱвыра да сымыктыш колледжын сценыштыже да Курчак театрыште лийыныт. Жюри чыла спектакльым ончен лектын да тыгай иктешлымашым ыштен: фестивальын лауреатше лӱмым Курыкмарий районысо Микрӓк кундем, Латансола ял гыч драмколлективлан пуаш. Моло номинацийыште сеҥыше калык театр да режиссёр-влаклан диплом ден пӧлек-влакым кучыктымо.

Валерий Очеев

Добавить комментарий