4 ийлан эрык деч посна кодымо

«У Торъял управляющий компаний» ушемын директоржо Владимир Пузырников шотышто уголовный пашам мучашлыме. Тудым иканаште 2 статья почеш титаклат. Следствий управленийын тергымыж почеш, коммерческий организацийын вуйлатышыже семын тудо 2007 ий январь гыч кок ий жапыште калык деч погымо оксам коммунальный услугым пуышо предприятий-влаклан тӱлен огыл, чылаже 3 млн 200 тӱжем теҥгем. Тынар оксам шкаланже да сотрудникше-влаклан пашадар семын кучылтын. Судын приговоржо дене Владимир Пузырниковым 4 ийлан эрык деч посна кодымо.

Валерий Очеев

Добавить комментарий