Школ петырыме ваштареш

Пермь кундем, Суксо районышто марий школым петырыме ваштареш ача-ава-влак тугак пеҥгыдын шогат. Таче кече гыч Эҥермучаш тӱҥ школ пашам огеш ыште, йоча-влакым Кызганде ялыш интернатыш кусарынешт. Но районысо прокуратур пашаеҥ-влак тиде решенийым законым пудыртен лукмо маныт. 3 марий ялыште илыше-влак шке йочаштым у верыш ынешт колто. Умбакыже мо лиеш – ме эскераш тӱҥалына.

А 2 апрельыште Набережные Челны олаште татар гимназийым арале кодымо верч митинг лийын. Тиде акцийыш 800 утла еҥ лектын. Нуно посна резолюцийым пеҥгыдемденыт да Татарстаный Президентше Рустам Миннихановлан, образований министр Альберту Гильмутдиновлан, правам аралыше орган-влаклан, мер-политик ушем-влаклан да Татарстан калыклан колтеныт.

Валерий Очеев

Добавить комментарий