МЧС увертара

Россий МЧС-ын Марий Элысе тӱҥ управленийже гыч увертарат: 25 март гыч 1 апрель марте республик мучко 15 пожар лийын, чумыр эҥгек 700 тӱжем теҥгем эртен. Тул 3 оралтым да 2 автомашинам пытарен. МЧС пашаеҥ-влак республик мучко объект-влакым тергеныт да пожар лийын кертме вер-влакым палемденыт.

«Чёрный список» манмышке тиде гана 14 объект логалын. Нунын коклаште 6 тӱшкагудо, Марий радиомеханический техникумын тунемме корпусшо, Юрино посёлкысо йоча спортшкол, Оршанке посёлкышто кресаньык пашам да илышым ончыктышо тоштер. Тиде гана пожарный-влак икмыняр черкым тергеныт, туштат пожар лйын кертме лӱдыкшым муыныт. Тиде – Марий Турек район, Косолоп селаште Святитель Николай черкын приходшо, Хлебниково селаште Рождество-Богородицкий черкын приходшо, Мариец посёлкышто Свято-Никольский черке. У Торъял районыштат кок черкыште лӱдыкшӧ, тиде посёлкышто да Пектубай селаште.

Валерий Очеев

Добавить комментарий